‘Kasalang Bayan’ sa Tanjay gipangandaman na!

B13

No photo description available.
Karaang hulagway sa Kasalang Bayan sa Tanjay sa wala pa ang pandemya sa Covid-19./Neil Rio

Sunod semana ang adlaw sa mga kasing-kasing ug sa dakbayan sa Tanjay, hapit na mahingpit ang pagpangandam sa kapin sa usa ka dosena nga parisan nga libre nga kaslon sa kagamhanan sa syudad.

Subay kini sa tinuig nga kasalang bayan sa Tanjay City Hall, uban sa pagabag sa parokya sa Santiago Apostol.

Sagad sa mga makabinipisyo sa kasalang bayan sa Tanjay ang mga taod taod na nga nagpuyo-puyo apan wala makasal gumikan sa nagkadaiyang mga hinungdan ug rason.

Apan atol sa gipahigayon nga pre-Canna seminar, tataw matod pa sa ilang panagway ang exitement sa kahigayunan nga hingpit na gyud makasal diha sa simbahan.

Sponsor sa maong kasalang bayan ang Dakbayna sa Tanjay nga maoy moabaga sa ilang mga angay asikasuhon nga dokumento, recepcion uban sa mga laing gikasal, ug uban pa ang mga panginahanglanon sa kaslunon.

Hinuon, bisan ubay-ubay ang kaslunon sa Dakbayna sa Tanjay, gipasalig sa Tanjay City Hall nga hugot gihapon nila nga ipatuman ang pagsunod sa minimum health protocols, labi na sa kasal mismo sa simbahan ug atol sa ilang recepction nga ang syudad ang niabaga.

Sa habig sa parokya sa Tanjay nga gipanguluhan ni Msgr. Gammy Tulabing, dako nga grasya nga ang dugay na nga nagpuyo-puyo ang kaslon na gyud sa simbahan.

Dako usab iyang pagpasalamat sanglit dungan usab sa dugay na nga nagpuyo-puyo mao ang mga bag-ngo nga mga mosulod sa salag sa kaminyuon.B13/###

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *