February 25, 2020

Baynte sinko (25) ka tuig na ang nakalabay sukad nga gitugyan nila Sr. Jocelinda Agnes Cacas, Carm.O.L. ug Sr. Ma. Pablita Ang-ug Gabin, Carm.O.L. ang ilang kinabuhi sa Ginoo isip mga mga sakop sa Order of Carmelite Sisters of Our Lady kon Carm.O.L.

Ug karon, wala damha sa duha nga moabot sila sa ilang Silvery Jubillee sa pagka-relihiyoso diha sa ilang pagkamandre.

Talagsaon ug mahinungdaon sa duha ang ilang ika-25 ka tuig nga anibersaryo sa pagkamadre.

Mismo si Dumaguete Bishop Julito Cortes ang nangulo sa ilang Thanksgiving Mass uban ni Bacolod Bishop Patricio Buzon. Niduyog sa ilang kamaya ug pagpasalamat ang ilang mga suod nga mga paring relihiyoso ug dayosinano, mga kaubang madre, ug mga layko.

Dakong gasa alang kang Sr. Gabin nga nakasaulog og Silver Jubilee, diha sa pagalagad sa Ginoo. Kalipay usab ang nanigbabaw ni Sr. Cacas sa iyang pagsaulog sa 25 ka tuig nga gasa sa bokasyon.

Nakighiusa si Bishop Cortes sa mga kamadrehan labi na sa Carmelite Sisters of Our Lady, nga usa sa labing unang kongregasyon nga nagtukod og ilang panimalay sa lalawigan . Nanghinaut siya nga daghang mga batan-ong mga babaye ang mutubag sa tawag sa Diyos sa bokasyon sa pagkamadre.