Kasagaran sa namatay sa Covid-19 sa NegOr, wa’y mga bakuna!

May be an image of one or more people and people standing
Asst. Provincial Health Officer Dr. Liland Estacion gibakunahan. PIO

Subli nga gipahimangnuan sa kapitolyo sa Negros Oriental ang mga wala pa makapabakuna batok Covid-19 nga magpabakuna na samtang dili pa uwahi ang tanan.

Matod sa sa tigpamaba sa Provincial Inter-Agency Task Force, Dr. Liland Estacion, nobenta porsyento sa mga nakalas gumikan sa Covid-19 sa lalawigan wala pay bakuna.

Apan sagad sa maong mga nakalas, sigon ni Dr. Estacion kadtong mga pasyente nga duna nay gipamati sa lawas daan, o kadtong mga dunay comorbilities.

Sagad sa maong mga sakit ang mosunod: cancer, hypertension, diabeties, ug uban pa nga mga sakit, nga mosamot higayon nga mataptan sa covid ang pasyente.

Sigon sa datos sa IPHO, nisaka na ngadto sa 750 ang nakalas gumikan sa Covid-19 sa negros oriental.

Ang Dakbayan sa Dumaguete ang dunay labing daghang kaso sa nakalas sukad nagsugod ang pandemya nga naa sa 158.

Hangyo ni Dr. Estacion sa publiko nga dili tuohan ang mga tuo-tuo ug way basehan nga mga rason nganong dilii magpabakuna batok covid-19.

Matod ni Dr. Estacion, ang bakuna batok covid gihapon ang naguna nga panagang gikan sa kamatayon gumikan sa covid. B13

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *