Bag-o nga PUI; 4 nga PUM sa Bayawan

Prov'l Adminitrator Dr. Henry Sojor, PhD., Neg. Or. Gov. Roel Degamo and IPHO Asst. Chief Dr. Liland Bustamante-Estacion

February 12, 2020

Dunay usa ka bag-ong Person Under Investigation (PUI) sulod sa Negros Oriental Provincial Hospital (NOPH) tungod sa 2019 novel coronavirus kun Covid-19.

Matod sa Provincial Epidemiology and Surveillance Unit (PESU), gikan og Hongkong ang PUI nga nakasinati’g ubo, nga usa sa mga sintomas sa makamatay nga virus. Kuhaan og swabtest ang PUI sa PESU nga ipadala sa Research Institute for Tropical Medicine (RITM) didto sa kauluhan.

Samtang, upat ka mga Persons Under Monitoring (PUM) ang naa karon sa Dakbayan sa Bayawan nga gipaubos sa house or “self-quarantine.” Niabot sa Bayawan ang upat ka estudyante nga PUM sa wala pa gipakanaog ang mando nga “temporary travel ban” sa Taiwan. Pebrero 4 niabot sa nasud gikan Taiwan ang upat ka mga PUM sa Ninoy Aquino International Airport (NIA) una nag-connecting flight pabalik sa Dumaguete – Sibulan Airport. Wala dayon napaubos og kwarantiya ang upat sanglit wala pa maapil sa gibantayan ang mga pasahero gikan sa Tiawan.

Kahinumduman nga ang naapil sa unang travel ban sa nasudnon nga gobyerno ang mga pashero gikan lang sa China, Hongkong, ug Macao. Gipuno lang niini ang Taiwan.

Karong Pebrero 18 mahuman ang katorse ka adlaw nga self-quarantine sa upat ka mga PUM sa Bayawan. Gitugutan na usab nga makauli sa ilang nasud ang laing tulo ka mga langyaw nga PUM human matapos ang ilang quarantine period ug wala sila makapakita og mga sintomas sa virus.

Gipaabot nga ipagawas sa RITM ang “final confirmatory test” sa naunang walo (8)ka mga PUI nga gipagawas na sa NOPH. Nakadawat na og P5,000 nga “financial assistance”ang napulo ka mga PUM ug PUI gikan sa Kapitolyo sa lalawigan sa Negros Oriental.

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *