8 ka ‘PUI’ negatibo sa unang test sa nCoV-ARD

PIO Chief Mr. Bimbo Miraflor and PHO Asst. Chief Dr. Liland Bustamante-Estacion

February 10, 2020

Nagnegatibo sa unang swab test ang tulo ka mga Persons Under Investigation kun PUI nga naka-quarantine sa Negros Oriental Provincial Hospital (NOPH) sa Dakbayan sa Dumaguete. Matod sa spokesperson sa kapitolyo, Bimbo Miraflor, negatibo sa unang test ang nahibiling tulo ka mga PUI.

Unang nagnegatibo sa niaging semana ang lima ka mga PUI human unang niabot ang resulta sa ilang mga test gikan sa Research Institute for Tropical Medicine sa kauluhan. Karong semanaha gipaubot nga moabot ang ikaduha ug katapusang resulta sa swab test sa walo una sila tigutan nga makagawas sa ospital.

Gawas sa mga PUI, gi-monitor sa IPHO ang tulo ka mga bag-o nga mga Persons Under Monitoring (PUM). Lakip niini ang duha ka mga Chinese National nga niabot niadtong Enero 30, 2020 gikan sa China ug usa ka Polish National nga gikan og HongKong.

Makadawat ang mga PUM ug PUI og financial assistance nga tag P5,000 gikan sa kapitolyo. Wala pu’y balayranan sa ospital ang mga PUI nga naka-quarantine kon sila ma-discharged sa NOPH. Gihunong na sa kapitolyo ug IPHO ang contact tracing sa mga nahimamat sa duha ka mga Chinese National nga nag- positibo sa 2019 Novel Coronavirus – Acute Respiratory Decease (2019 nCoV- ARD).

Padayon ang pag-monitor sa mga pasahero nga musulod sa Negros Oriental hangtud nga ideklara sa DOH nga luwas na sa 2019 nCoV-ARD ang lalawigan.

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *