Pito ka buwan nga puya, gilabay sa dumpsite sa Dumaguete

Ang 7 ka buwan nga lalaki nga puya nga napalgan sa dumpsite sa Candau-ay.
Hulagway/Candau-ay Cap. Greg Oira

DUMAGUETE CITY – Gisubay karon sa mga otoridad sa Dakbayan sa Dumaguete kun kinsa ang nagalbay sa pito ka buwan nga puya sa dumpsite sa Barangay Candau-ay, Byernes, Peb. 7, 2020.

Sigon sa report sa pulis, gisulod og ice cream container ang puya’ng lalaki nga wa’ nay kinabuhi.

Ang mangoykuyay og basura nga si Naita Baldosa,54, maoy nakakaplag sa puya, nagtuo nga iring ang sulod sa butanganan sa ice cre nga iyang nakitan.

Pagabli niya sa butanganan, iyang nakit ang puya. “Bug-at ang butanganan, unya bata man diay ang sulod,” asoy pa ni Baldosa sa interbyu sa RadyoBandilyo.

Dali’ng nagpakitabang si Baldosa sa iyang mga kauban ug sa mga opisyal sa Barangay Candau-ay nga mao nay nitawag sa mga pulis.

“Mao pa gyuy pagkakita nako (og puya) sir sa kadugay nako’g pamasura. Baling kuyawa gyud nako,” matod pa ni Baldosa.

Hulagway/Roy Ortega

Gikan sa Dumaguet Public Market ang mga basura diin nakuykuyan ang puya. Gihatod kini sa garbage truck sa dumpsite pasado alas nueve sa gabii, Huybes, Peb. 6.

“Ang ruta sa truck kay public market. Basin didto gilabay na siya (ang puya),” sigon pa ni Candau-ay Kap. Greg Oira.

Matod ni Oira, di na maihap ang mga puya nga gilabay sa dump site. “Usually ang makakita gyud ang mga scavenger kay panginabuian man nila.”

Alas sinko na sa kadlawon sa Peb. 7, napalgan ang puya. Padayon ang imbestigasyon sa Dumaguete City Police kun kinsa ang naglabay sa puya nga lalaki. – Roy Ortega/RS

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *