February 5, 2020
Halos naka-face mask ang mga tawo dakbayan sa Dumaguete. Diskarte karon sa mga naninda og mga washable mask nga mahalin ang ilang mga tinda nga kaniadto mga motorista lang ang kasagarang mupalit. Tungod kay halos hurot na ang mga surgical masks sa mga pharmacy.
Sa kahadlok sa 2019 Novel Coronavirus Acute Respiratory Disease kon 2019 nCoV-ARD nag-amping karon ang mga tawo ug mas gipiling magpundo nalang sa balay. Labi na nga niabot na sa pito (7) ang Persons Under Investigation kon PUIs karon og naka-confined sa Negros Oriental Provincial Hospital (NOPH) human nga nadugang ang usa ka staff sa hotel nga gipuy-an sa manag- uyab nga Chinese nga nagpositibo sa nCoV-ARD ug ang driver sa van nga gisakyan niini gikan sa Dauin padulong sa Dumaguete. Wa nasayod ang driver sa van nga nakasakay diay niya ang manag-uyab nga Chinese. Wa pa nasayran sa Provincial Health Office kon anaay bay laing sakay sa van.
“He did not know that one of his passengers die” sumala pa ni Dr. Liland Bustamante-Estacion ang Assistant Chief sa Provincial Health Office sa Negros Oriental.
“We will investigate him deeper [this afternoon] because we’re not able to ask many questions to him” dugang pa ni Dr. Estacion.
Padayon ang contact tracing sa mga naka-closed contact sa mga Chinese og matud pa sa Provincial Information Officer Bimbo Miraflor dako kining trabahoonon.
Matud pa ni Miraflor, “as much as possible, contract trace this people if we can see the whole scenario of the CCTV.”
Dugang sab niya “but for the first instance , yung nasa hotel, sa resort tsaka yung sa van, all are accounted.”
Gidahuman sa mga Health Authority sa Negros Oriental nga karon na muabot ang resulta sa Throat Swab Test sa unang lima (5) nga mga PUIs. Nahatod na usab gahapon ang throat swab specimen ngadto sa Research Institute for Tropical Medicine (RITM) sa laing duha ka mga nadugang nga mga PUI. Samtang nagpataas usab ang ihap sa mga Persons Under Monitoring o PUMs gikan sa 38 ag sa Pebrero 4 tungod sa posible nga mga ma-contact trace labi na sa airport area.
