CVIRAA UG SCUAA SA DUMAGUETE, GISUSPENSO TUNGOD SA NCOV

Photo Credit: dumaguetecity.gov.ph

DUMAGUETE CITY – Gisuspenso sa mga tagsatagsa nga mga organizers ang duha ka mga dagkong nasudnon nga mga athletic meet nga gitakdan unta sa Dakbayan sa Dumaguete karong Pebrero tungod sa hulga sa novel coronavirus (ncov).

Gisuspenso sa Department of Education (DEPED) ang Central Visayas Regional Athletic Association (CVIRAA) meet nga ipahigayon unta sa Dakbayan sa Dumaguete sugod Peb. 17-22, 2020.

Gipahibaw kini sa spokesperson sa DEPED-7, Amaryllis Villarmia sa pakighinabi sa RadyoBandilyo, Mates, Peb. 4, 2020.

Matod ni Villarmia, nga nitambong sa management meeting (mancom) sa kauluhan, giphiabaw na sa buhatan ni DEPED-7 Director Salustiano Jumenez ang mga division offices sa Central Visayas sa pagsuspenso sa CVIRAA.

Wala pa matino kun kanusa i-reschedule ang CVIRAA sa Dakbayan sa Dumaguete diin gibanabana nga moabot og 10,000 ka mga student athlete ang mosalmot.

Subay kini sa kamanduan nga gipakanaog sa DEPED mancom sa pagsuspenso sa tanang mga nasudnon nga mga kalihukan sa ahensya.

“The order is temporary postponement of (DEPED) big activities,” ang tipik sa pamahayag ni Education Secretary Leonor Briones sa hearing sa senado sa ncov, Martes, Peb. 4, 2020.

Lakip na niini ang CVIRAA ug National Schools Press Conference (NSPC) nga ipahigayon unta sa Tuguegarao City, Cagayan, sugod Pebrero 17 hangtod 21, 2020.

Matod ni Villarmia, matag semana i-evaluate sa DEPED ang sitwasyon sa hulga sa ncov, base sa advisory sa Department of Health, una sila mopagawas og update sa tinuig nga athletic meet.

Gihuwat nalang karon ang pagluwat sa opisyal nga kamanduan gikan sa DEPED.

WA’ USAY BYAHE

Gibakwi usab sa DEPED ang tanang travel order paingon China ug sa ubang mga nasud nga dunay kaso sa makamatay nga virus.

“Personal February travels in the mentioned countries are highly discouraged,” matod pa sa kamanduan sa DEPED mancom.

PAGKONSULTA SA DOH

Gimanduan usab ang tanang mga DEPED Regional, Division ug District Offices nga mokonsulta sa lokal DOH sa pagpahigayon sa ilang mga kalihukan.

“(DEPED offices) need clearance from the local DOH (health authorities) before these (jamborees, athletic meets, contests, field trips etc) are conducted in February,” matod pa sa kamanduan.

Gipalikay usab sa DEPED ang panagtapok sa daghang mga estudyante sa mga tunghaan.

Ipahigayon usab sulod sa mga classroom ang Flag raising sa mga tunghaan.

Moluwat ra og sinimana nga pahimangno ang DEPED kun ilibkas na nila ang maong mga kamanduan.

SCUAA MEET

Gisuspenso usab sa Negros Oriental State University (NORSU) ang mga pagpangandam alang sa State Colleges and Universities Athletic Association (SCUAA) meet nga ipahigayon unta sa ikatulo nga semana sa Pebrero.

Gipahibaw ang NORSU SCUAA working committee nga sa Marso na ang maong meet.

PRIVATE SCHOOLS

Gisuspenso usab sa Colegio del Santa Catalina de Alejandria (COSCA) sugod Peb. 4 sa hapon ang ilang klase alang sa elementarya ug senior high school.

Sa Peb. 10, 2020, Lunes, ang pagbalik sa klase sa COSCA.

“Tertiary students and school personnel will still reports this afternoon (Peb. 4) to help disinfect the school premises,” matod pa sa memorandum nga giluwatan ni Fr. Nathaniel Gomez, Presidente sa COSCA.

Matod ni Fr. Gomez sa interbyu sa RadyoBandilyo, “precautionary measure” ang ilang gibuhat aron masiguro nga lugaws ang tunghaan sa ncov.

Giawhag usab ni Fr. Gomez ang mga tinunan ug mga empleyado sa COSCA sa pagsulob og protective mask, paghugas o paggamit og alcohol sa kamot, paginum og daghang tubig ug vitamins, ug pagsiguro nga limpyo ilang lawas.

Wa’ say klase sa ABC Learning Center sa Dakbayan sa Dumaguete sugod karong hapon, Peb. 4 . “We intend to resume classes on Monday, February 10, 2020 depending on the situation by then,” matod pa sa pamahayg sa tunghaan.

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *