Kanhi Deputy Governor sa Bangko Sentral ng Pilipinas (BSP) Diwa Guinigundo ang nabalaka sa kakuwang sa mga political parties og klaro nga plataporma de gobyerno.
Matod ni Guinigundo, usa sa labing dako nga hagit sa mosunod nga presidente ang kasamtangang utang sa nasud nga P12 trilyones nga napun-an atol sa administration ni Duterte samtang duna pa gyuy pandemya sa Covid-19.
Usa sa mga partido nga wala makitai ni Guinigundo og igong plano unsaon pagsulbad ang nagkadako nga utang sa gobyerno ang UniTeam ni Ferdinand “Bongbonb” Marcos Jr.
Alang ni Guinigundo, kinahanglan dunay igong “fiscal consolidation” plan nga makita sa mga langyaw ug lokal nga mga magpapatigayon nga dili gyud mapurdoy o ma-bankrupt ang Pilipinas.
Sigon sa mga datos, ang utang sa nasud niburot ngadto sa P12 trilyones niadtong 2021 gikan sa P7.7 trilyon niadtong 2019.
Sa pagbana-bana sa Nomura Global Research ug sa ilang mga ekonomista, maba ang marka nga nakuha sa tandem nila Marcos Jr. ug Sara Duterte sa aspeto sa national experience, business friendliness, continuity/good governance, infrastructure progress ug fiscal discipline.
Mipasidaan usab ang JP Morgan nga posible makasinati og twin deficit sa fiscal ug current account ang nasud.
Sigon sa mga eksperto, mahimong moresulta ang twin deficit sa pagkahugno sa ekonomiya nga gipasamutan pa sa pandemya, pagsaka sa interest rates, pagmahal sa mga produkto nga petrolyo, ug sa mga nagunang mga paliliton.
“In the absence of clear programs, it will be very difficult to attract investors in the country—investors that could help create jobs and generate income for the local economy,” asoy ni Guinigundo.
Matod ni Guinigundo, ang usa ka administrasyon nga Marcos ang posible mopabalik sa mga monopoliya ug “cronyism” nga makadaot sa “credit rating” sa nasud ug moresulta sa pagsaka sa interest rates samtang mopahuyang sab sa palit sa Piso sa dolyar diha sa global market.
“Let us all remember that in the martial law period, government financial institutions, most especially PNB, were milking cows of the Marcoses. We were mired in an unprecedented debt crisis that Filipinos, to this day, are paying through taxes,” pasabot pa ni Guinigundo.///
