Mga ‘Kauban ni Leni’ nag Caravan sa NegOr

May be an image of 5 people, people riding motorcycles, people standing, motorcycle and road
Mga supporters ni VP Leni Reobredo sa ilang Caravan sa Negros Oriental. (Mga Kauban ni Leni sa Negros)

Kapin sa usa ka libo ka mga supporters ni Vice President Leni Robredo ang nisalmot sa gipahigayon nga Caravan sa “Mga Kauban ni Leni sa Negros.”

Sigon sa maong grupo, moabot sa 1,200 ka mga indibidual ug kapin sa 500 ka mga sakyanan ang nisalmot sa maong kalihukan gikan sa Dakbayan sa Dumaguete, Bacong, Valencia, ug Sibulan.

Matod sa mga supporters sa VP Leni, pagpakita kini sa ilang pagpaluyo sa kandidatura ni Robredo sa pagka presidente ug ni Sen. Kiko Pangilinan isip vice-president.

Gawas sa nisalmot sa caravan, nipaabot usab sa ilang pagpaluyo ang mga “kauban” nga naghuwat sa ilang panimalay ug sa daplin sa dalan nga gipadayag sa ilang paghigugma ni VP Leni ug Sen. Kiko.

“Nanggawas ang tanang mga tawo nga lain-laing edad ug misinggit sa ilang kalipay ug paglaom sa kadaugan sa LeniKiko tandem,” sigon pa sa pamahayg sa Mga Kauban ni Leni sa Negros.

Laing susama nga caravan usab ang gipahigayon sa ilang mga kauban sa Basay, Baywan, Sta. Catalina, Bais, ug Canlaon ug Majuyod.

Gidasig sa grupo ang ilang mga tigpaluyo sa pagpadayon sa pagkampanya sa tandem nga Leni ug Kiko, duha ka adlaw sa dili pa sugdan ang pagkampanya sa mga nasudnon nga mga posisyon.B13

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *