2 lalaki napalgang patay sa suba sa Sibulan

May be an image of 3 people, people standing and outdoors
Pag-recover sa duha ka patay nga lawas sa mga lalaki sa suba sa Barangay Tubtubon, Sibulan. (PIO NOPPO)

Duha ka lalaki napalagang patay ug nakaubog sa sapa sa kilid sa dalan sa Barangay Tubtubon, Sibulan, Lunes, Peb. 7.

Nailhan na sa kapulisan ang usa sa mga biktima nga base identification card nga nakuha sa iyang lawas.

Matod ni Lt. Col. Ruben Verbo, tigpamaba sa Negros Oriental Provincial Police Office (NOPPO) sakop sa usa “Salaam community sa Muslim sa Province” ang usa sa mga biktima.

Gipugnan pa sa kapulisan ang pangalan sa biktima samtang wala pa mapahibaw ang mga kabanay sa nakalas.

Matod n Verbo, padayon pa ang imbestigasyon sa kapulisan sa lungsod sa Sibulan kon unsay hinungdan sa kamatayon sa duha ka lalaki.

Napalgan ang patay nga lawas sa duha sa mga tawo sa dapit duol sa usa ka motor nga nalubog usab sa sapa.

Nagtuo ang mga molupyo sa dapit nga nahulog sa taytayan ug napunta sa sapa ang mga biktima nga maoy nakaingon sa ilang kamatayon. Padayon pa kini nga giimbestigar sa kapulisan kon unsa gyud ang hinungdan sa kamatayon sa duha.

Sa report sa Sibulan Police, giila ang usa sa mga biktma nga si Acmad Ampuan, 27 anyos.

Lumad si Ampuan nga taga-Lanao Del Sure apan kasamtanang nagpuyo karon sa San Jose Extension sa Dakbayan sa Dumaguete. B13

Share this article:
Share on facebook
Share on google
Share on twitter
Share on linkedin

Leave a Comment

Your email address will not be published. Required fields are marked *